Kategoria: Berriak

Kategoriak
Berriak Itzarriri buruz

Itzarri Enplegu BGAEak kudeatutako ondareak 1.000 milioi euro gainditu ditu

330 milioi erakundeak lortutako irabaziei dagozkie

Euskadiko Administrazio Orokorreko eta Instituzionaleko langileen aurreikuspen-plana kudeatzen duen erakundearen ondareak 1.000 milioi euro gainditu ditu pasa den azaroan. 2005. urtean sortua 10 milioi euro baino zertxobait gehiagoko ondarearekin, 17 urte geroago mugarri honetara iritsi da.

1.000 euroko ondare horretatik, 330 milioi euro erakundeak bere 17 urteko ibilbidean sortu dituen gainbalioei dagozkie. “Horrek esan nahi du %3,87ko batez besteko errentagarritasun historikoa lortu duela urtero, aldi berean KPIa %1,90an gaindituz. Itzarri sortu zenean jarritako 1.000 euro, gaur egun, 1.951 euro dira”, adierazi dute Itzarritik.

Era berean, aipatu beharra dago 163 milioi euro baino gehiago banatu dituela prestazioetan urte guzti hauetan zehar. “Gure helburua erakundearen tamaina hazten jarraitzea da, gure bazkideei, lanaldi aktiboa amaitzen dutenean, ahalik eta pentsio osagarririk onena eskaintzeko eta beraien erosahalmena eusten laguntzeko”, adierazi dute.

17 urte hauetan, enplegu BGAEak arrisku-profil baxua eta barneko egitura-gastu oso murriztuak (ondarearen %0,17a) mantendu ditu. Azpimarratzekoa da 10 pertsonek bakarrik osatzen dutela Itzarriren lan-taldea, zeinek, 1.000 milioi euroko ondarea kudeatzeaz gain, 119.000 bazkide baino gehiagori egunero zerbitzua ematen dieten, kalitate altuko estandarrei jarraituz.

Bestalde, 120 milioi euroko inbertsioarekin; Itzarri, Euskadin gehien inbertitzen duen Borondatezko Gizarte Aurreikuspeneko Erakundeetako batean bihurtu da.

Kategoriak
Berriak

Itzarri Enpleguko BGAEren estatutuak aldatzea

Itzarri Enpleguko BGAEren Ohiko Batzar Nagusia 2022ko maiatzaren 4an egin zen. Besteak beste, erakundearen estatutuetan honako aldaketa hauek egitea onartu zen:

  • 26. artikulua: Itzarri Enpleguko BGAEaren berariazko izendapenari buruzko aipamena jasotzen da testamentuan, eta berariazko izendapenik ez badago onuradunen lehentasun-hurrenkera garatu da.
  • 46. artikulua: Batzar Orokorra modu telematikoan egiteko aukera jasotzen da.
  • 54. artikulua: Gobernu Batzordea modu telematikoan egiteko aukera jasotzen da.

Gaur egun indarrean dauden estatutuak esteka honetan kontsulta daitezke.

Kategoriak
Berriak Kategoria

Itzarrik 2018an 100.000 bazkideren barrera gainditu du, 660 milioi euroko ondarearekin

  • Urteko batez besteko errentagarritasuna, azken hamar urtean, UTBaren % 4,63koa da
  • % 47,4 hazi dira beste BGAE batzuetatik Itzarriri eginiko eskualdatzeak eta % 31,5, bazkideen borondatezko ekarpenak
  • Inbertsioak, Euskadin, ia 141 milioi euro egin zuen gora. Alegia, ondare osoaren % 21,3

Enpleguko Itzarri BGAEk, aste honetako asteazkenean, maiatzaren 8an, Vitoria-Gasteizen, 2018. urteko kudeaketaren balantzea aurkeztu du, Ohiko Batzar Nagusian, eta batzarrak onetsi egin du aurkeztutako txostena.Itzarrik urtean % 4,63ko hazkuntza izan zuen azken hamarkadan, nahiz eta 2018. urtea % 2,03ko errentagarritasun negatiboarekin itxi; egoera horri buelta eman dio entitateak, positiboki, 2019ko lehen hiruhilekoan. Era berean, ekitaldia 660 milioi euroko ondarearekin amaitu zuen eta gizarte-aurreikuspeneko euskal erakundearekin lotutako bazkideen errekorrarekin (102.000tik gora).
Itzarri BGAEk, 2018ko abenduaren 31n, Euskadiko administrazio orokorreko eta erakunde-administrazioko 102.144 langile zituen, eta 660,7 milioi euroko ondarea. Azken 10 urtean, urteko batez besteko errentagarritasuna UTBaren % 4,63koa izan da.
2018aren amaieran, aurreko ekitaldietako ildo beretik, Euskadin inbertitzeko ahalegin gehieneko gizarte-aurreikuspen boluntarioko erakundeetako bat da (140,9 milioi euro, ondare osoaren %21,32).

BAZKIDEEN LAGUNTZA
Bazkideen ekarpen boluntarioen goranzko joerari eutsi zaio, eta % 31,5 hazi dira.Era berean, beste BGAE batzuetatik Itzarriri eginiko eskualdatzeak % 47,4 hazi dira 2018an; horrek erakusten du, batetik, entitateak eragiten dituen gizarte-laguntza eta konfiantza eta, bestetik, bazkideen artean finantza-aurreikuspeneko kultura dagoela.
2018 ekitaldian, ekarpenak, guztira, 16,1 milioi eurokoak izan dira, 13,8 milioi euroko prestazioak ordaindu dira: erretiroagatik 11,6 milioi euro; ezintasunagatik 1,2 milioi euro, heriotzagatik 796.232 euro eta iraupen luzeko langabeziagatik 120.653 euro.
Beste alde batetik, Itzarriren administrazio-gastuak ondarearen gaineko % 0,39koak izan dira (sektoreko neurritsuenak eta doienak).
HISTORIKOA ITZARRI BGAEREN ONDAREAREN BILAKAERA ETA ERRENTAGARRITASUNAK

Kategoriak
Berriak

Euskaldunen erretiro planen ondarea BPGaren %34koa da.

Prentsan argitaratutako dokumentu interesgarria gaur egungo eta etorkizuneko pentsioen buruzkoa.
Berria osorik ikusteko hemen sakatu

Kategoriak
Berriak

2016KO MARTXOAREN 31RA ARTE ITZARRI BGAE-REN INFORMAZIO EKONOMIKOA

Itzarriren ondarea, 2016. lehenengo hiruhilekoaren itxieran 4 milioi euro gutxitu egin da, 573 milioi euroak gaindituz.
Ekitaldiaren lehenengo hiru hilabetekoen errentagarritasun metatua %-0,35ekoa lortu da, errentagarritasuen urtekotua ( 2015eko martxotik 2016ko martxora) %-1,74koa izan da.
2005eko apirilaren 19an, 1.000 euroko ekarpena, gaur egun 1.561 euro dira.
Azpimarratzekoa da, bazkideek Erakundearen kudeaketarengan jartzen ari diren konfiantza. 2016ko ekitaldia 3 hilabeteak aurreko ekitaldiarekin konparatzen badugu:
– Bazkideen borondatezko ekarpenak %60 handitu dira.
– Beste BGAEetatik datozen mobilizazioak %136 handitu dira, bider 2,2 biderkatuz.
BGAE GUZTIAK EZ DIRA BERDIN HAZTEN
Itzarri eratu zenetik urteko %4,34 U.T.B. errentagarritasuna lortu du batez veste, KPIa %2,61 gaindituz.

Kategoriak
Berriak

2015: Emaitza onak Itzarri BGAErentzat

Itzarrin gehitzen jarraitzen dugu.
Itzarriren ondarea erritmo onean handitzen doa, bai burutzen ari den kudeaketa onagatik, eta gehien bat zuek jarritako konfiantzagatik, borondatezko ekarpenetan gehikuntza nabarmen batean eta beste BGAEen mobilizazioan ikusi dena.
Lan egingo dugu Itzarri BGAE fidagarri eta errentagarria izaten jarraitzeko asmoz.
2015 Informazio Orokorra

Kategoriak
Berriak

2015eko abenduaren 31ra arte Itzarri BGAE-ren informazio ekonomikoa

Itzarriren ondarea, 2015. ekitaldian 23 milioi euro baino gehiago handitu da, 577 milioi euro gaindituz.
2015. ekitaldiaren errentagarritasuna %4,15ekoa lortu da. BGAEa eratu zenetik 2005eko apirilean, urteko batez besteko errentagarritasuna %4,28koa da, KPIa %2,55 baino gehiago gaindituz.
Horren ondorioz, 2005eko apirilaren 19an, 1.000 euroko ekarpena, gaur egun 1.567 euro dira.
Azpimarratzekoa da, bazkideek Erakundearen kudeaketarengan jartzen ari diren konfiantza. 2015eko ekitaldia aurreko ekitaldiarekin konparatzen badugu:
– Bazkideen borondatezko ekarpenak x2 biderkatu dira, %105 handituz eta 5.211 mila euroak gaindituz.
– Beste BGAEetatik datozen sarrera intsuldaketak x2,36 biderkatu dira, %143 handituz eta 4.127 mila euroak gaindituz.

Kategoriak
Berriak

Pentsio ona eduki nahi duzu? Hona hemen Cajamarek Expansionrentzat egindako ikerketa.

Expasion egunkariak Cajamarek egindako ikerketa argitaratu, bertan zenbat aurreztu behar dugun pentsio publikoaren osagarri ona edukitzeko azaltzen da.
Berria osorik ikusteko hemen sakatu

Kategoriak
Berriak

Euskadiren Aurreikuspen Gizartearen ondarea lehenengo aldiz 22.000 milioi euro gainditzen dituela

BGAEren federazioak Gobernuak prestatzen ari den araudian erreskatea << segurtasun juridiko nahikoaz baliatuko duela>> espero du.
Pasaden urtean Euskadiko Borondatezko Gizarte Aurreikuspen Erakundeen ondarea, lehenengo aldiz, 22.000 milioi euroen muga gainditu zuen, honek pasaden ekitaldiarekin alderatuta 600 milioi euroen handipena suposatzen du eta Euskadiren BPGa %33,5 ordezkatzen du, Jose Ignacio Etxeberria, Euskadiko BGAEren Federazioaren presidenteak adierazi duen moduan.
Berria osorik ikusteko hemen sakatu

Kategoriak
Berriak

EAE-REN EUSKAL ADMINISTRAZIO PUBLIKOEK HAIEN LANGILEEI BGAE-EI EKARPENAK EGITEN JARRAITU DEZAKETE.

EAE-ren Administrazio publikoek haien langileei Borondatezko Gizarte Aurreikuspen Erakundeei (BGAE) ekarpenak egiten jarraitu dezakete, EAJk Partido Popularrarenkin Senatuan akordio bat lortu ondoren, modu horretan 2015eko Estatuaren Aurrekontu Orokorretan sentsu horretan zuzenketa baten proposamena gehitu da.
Berria osorik ikusteko hemen sakatu.