Kategoria: Itzarriri buruz

Vitoria-Gasteiz, 2023ko azaroa

Bazkide hori:

2023. urteak berebiziko garrantzia izango du Itzarri Enpleguko BGAEaren historian, aparteko gertaera gertatu baita:

Aurrezkiak bi aldiz biderkatu ditugu: 2005ean egindako 10.000 euroko ekarpenak 20.000 euro dira gaur egun.

Errentagarritasun hau iazko ekitaldian lortutako arrakastari gehitu behar zaio. Izan ere, Itzarrik mila milioi euroko ondarea gainditu zuen lehenengo aldiz bere historian.

Nabarmentzeko zenbatekoak badira ere, aipagarriena zera da: nork ahalbidetu ditu?; zergatik lortu dira?; nola lortu dira? Funtsezko hiru galdera, oso erantzun erraza dutenak.

• 120.000 bazkide baino gehiagoren konfiantzari esker izan da posible, hau da, zure konfiantzari esker.

• Ezarritako irizpide batzuek eragindako errealitate bat da. Horrela, Itzarri abian jarri zenetik, segurtasuna eta arriskuaren kontrola mantenduz inbertitzen dugu, eta errentagarritasun iraunkorreko erritmoa bilatzen dugu.

• Zenbateko horiek lortu dira epe luzean egindako ahaleginean nahiz sakrifizioan sinistu dugulako betidanik.

Itzarri Enpleguko BGAEan harro gaude, gizarte gisa, ongizate maila handia posible egin duten printzipioez. Xirimiria bere-berea duen herria gara, eta badakigu lanbroak beti egiten duela bere ekarpena. Pixkanaka-pixkanaka aurreztea, pausuz pausu, gure kulturaren ezaugarri da, eta jakin badakigu errezeta horrek ez duela inoiz huts egiten.

Lanean jarraitu behar dugula presente daukagularik, gure konpromiso irmoari eutsiko diogu: gure bazkideak zaretenok zuen aurrezkiak hazten ikustea. Horrela, jubilatzeko unea iristen denean, horietaz gozatuko duzu, eta zure lan-bizitzan zehar eraiki duzun erretirorako osagarririk onena izango duzu.

Adeitasunez,

Itzarri BGAEren Batzar Nagusia 2023ko apirilaren 19an izan zen, eta honako erabaki hauek hartu ziren:

• Itzarri Enpleguko BGAEen Batzar Nagusiko kideak izendatzea, bai bazkide babesleenak, bai bazkide osoenak, eta batzarra eratzea.
• 2022ko ekitaldiko urteko kontuak (balantzea, galdu-irabazien kontua, ondare garbiaren aldaketen egoera-orria, diru-fluxuen egoera-orria eta memoria) eta kudeaketa-txostena onartzea.
• 2022ko ekitaldiko emaitza aplikatzeko proposamena onartzea.
• Kontu-auditoreak izendatzea 2023ko ekitaldirako.

Itzarri BGAEren Gobernu Batzordea 2023ko martxoaren 24an izan zen erakundearen egoitzan, eta honako erabaki hauek hartu ziren:

• Aurreko Gobernu Batzordearen aktaren onarketa.
• 2022ko ekitaldiko aurrekontuaren likidazioa.
• 2022ko ekitaldiaren urteko kontuen formulazioa.
• 2022ko ekitaldiaren emaitzaren aplikazioaren proposamena, ondoren Batzar Orokorrak onartu ahal izateko.
• 2022ko ekitaldiko kudeaketa-txostena.
• 2023ko ekitaldirako kontu-auditoreak berritzeko proposamena, ondoren Batzar Orokorrak onar dezan.
• Gobernu Onaren Politiken urteko berrikuspena, aldaketa txikiekin, eta Gobernu Batzordeko kideen eta erakundearen funtsezko funtzioen arduradunen gaitasun- eta ohore-txostenaren aurkezpena.

Invercoren datuen arabera, pentsio-planek – % 9,70eko batez besteko errentagarritasunarekin itxi zuten 2022ko ekitaldia, eta Itzarrin:

• – % 1,53ko errentagarritasuna lortu genuen.
• Hasi ginenetik, urteko batez besteko errentagarritasuna % 3,80koa izan zen, aldi bereko KPIa % 1,85ean gaindituz.
• Sektorearen batez bestekoa gainditu dugu aldi guztietan:

Errentagarritasun horiekin, ondorengo taulan erakusten dizugu Itzarrin emandako 10.000 €-ren bilakaera, pentsio-planen batez besteko inbertsioaren aldean:

Itzarrin egunez egun lanean jarraitzen dugu gure helburua betetzeko: gure bazkideek haien pentsioetarako osagarri bat izatea, haien erosteko ahalmena gorde ahal izateko.

Itzarri BGAEren Gobernu Batzordea 2022ko abenduaren 20an izan zen erakundearen egoitzan, eta honako erabaki hauek hartu ziren:

• Aurreko Gobernu Batzordearen akta onartzea.
• 2023ko ekitaldirako aurrekontua eta aplikatu beharreko gastuen ehunekoa onartzea.
• Erakundearen arriskuen kudeaketako funtsezko funtzioaren arduraduna ordezkatzea onartzea.
• Berrikuntza eta Ikerketa Osasuna Euskal Fundazioa (BIOEF) bazkide babesle gisa atxikitzea onartzea.